தேசிய மக்கள் சக்தியின் கொழும்பு மாவட்ட நாடாளுமன்ற உறுப்பினர் கலாநிதி கௌசல்யா ஆரியரத்ன குற்றப் புலனாய்வுத் திணைக்களத்தில் முறைப்பாடு செய்துள்ளார்.
சமூக வலைதளங்களில் தன்னைப் பற்றி பொய்யான செய்திகள் பரப்பப்பட்டு வருவதாகக் குறிப்பிட்டுள்ளார்.
அதன் மூலம் தனது நற்பெயருக்குக் களங்கம் ஏற்படுத்தும் நோக்கம் இருப்பதாகக் கண்டறிந்து, அதற்குக் காரணமானவர்கள் மீது நடவடிக்கை எடுக்க வேண்டும் என்றும் அவர் கேட்டுக்கொள்கிறார்.
இது குறித்து அவர் தனது சமூக வலைதளத்தில் பின்வருமாறு பதிவிட்டுள்ளார்.
சமூக ஊடகங்களில், குறிப்பாக என்னைக் குறிவைத்து, என்னைப் பற்றி தீங்கிழைக்கும் மற்றும் முற்றிலும் பொய்யான செய்திகள் பரப்பப்படுவது தொடர்பாக, சிஐடியிடம் இன்று உத்தியோகபூர்வ முறைப்பாடு ஒன்றினை அளித்துள்ளேன்.
இப்படிப்பட்ட கீழ்த்தரமான முறைகளால் பெண்களை அரசியலில் இருந்து அகற்ற முயல்கிறார்கள் என்றால், நாங்கள் அவர்களுக்குச் சொல்கிறோம் – இன்னும் கடினமாக முயற்சி செய்யுங்கள்! ஒரு கூட்டு இயக்கத்தில் பிறந்த அரசை இதுபோன்ற தோல்வியுற்ற தந்திரங்களால் கவிழ்க்க நினைத்தால், உங்கள் வாழ்நாளில் முயற்சி செய்யுங்கள்!
இப்படியான அற்ப சதித்திட்டங்களை முன்னெடுக்கும் அரசியல் ரீதியாக நலிந்த குழுக்களுக்கு மத்தியில், நாங்கள் எங்கள் வழியில் செல்வோம்.
