உலகம் முழுவதும் உள்ள ஸ்மார்ட்போன் பயனர்களிடையே மிக பிரபலமான மெசேஜ் செயலியாக வாட்ஸ்அப் இருந்து வருகிறது. அவ்வப்போது பயனர்களின் வசதிக்கேற்ப சில மாறுதல்கள் வாட்ஸ்அப் செயலியில் அமல்படுத்தப்படும். அதன்படி, புதிய அம்சம் ஒன்றை அறிமுகப்படுத்த உள்ளது. இதன் மூலம் ஐபோன் யூசர்கள் இனி ஒரே சாதனத்தில் பல வாட்ஸ்அப் கணக்குகளை பயன்படுத்த முடியும். WaBetaInfo கொடுத்துள்ள தகவலின்படி, இந்த அப்டேட் தற்போது பீட்டா சோதனையில் உள்ளதாகவும், விரைவில் அனைத்து ஐபோன் யூசர்களுக்கும் வெளியிடப்படும் என்றும் தெரியவந்துள்ளது.
iOS-க்கான சமீபத்திய வாட்ஸ்அப் பீட்டா அப்டேட்டில் (பதிப்பு 25.2.10.70) இந்த புதிய அம்சத்தை அறிமுகப்படுத்தியுள்ளது. இது யூசர்கள் ஒரே சாதனத்தில் பல யூசர்கள் கணக்குகளை எந்த சிரமமும் இன்றி பயன்படுத்த அனுமதிக்கிறது.
இந்த அப்டேட் மூலம் ஒரு வாட்ஸ்அப் கணக்கிலிருந்து மற்றொரு கணக்கை அணுகுவதற்கு லாக் அவுட் செய்ய வேண்டிய தேவையை நீக்குகிறது. யூசர்கள் இப்போது தங்கள் வெவ்வேறு வாட்ஸ்அப் கணக்குகளுக்கு இடையில் எந்த தடையின்றி மாறலாம்.
பல தொலைபேசி எண்களை நிர்வகிக்கும் பயனர்களுக்கு இந்த அம்சம் வரவேற்கத்தக்கதாக இருக்கும். தற்போதுவரை ஐபோனில் இரண்டாவது வாட்ஸ்அப் கணக்கை பராமரிப்பதற்கு, வணிகம் அல்லாத நோக்கங்களுக்காக கூட வாட்ஸ்அப் பிசினஸை நம்பியிருக்க வேண்டிய நிலை உள்ளது.
இந்த புதிய மேம்பாடு வாட்ஸ்அப் செயல்முறையை நெறிப்படுத்தி, தனியாக இன்னொரு செயலியின் தேவையை நீக்கி, ஸ்டாண்டர்டு வாட்ஸ்அப் செயலி மூலமாகவே பல எண்களை பயன்படுத்துவதற்கு யூசர்களுக்கு வசதியாக இருக்கும்.
இனி யூசர்கள் வாட்ஸ்அப்பில் முதன்மைக் கணக்கை உருவாக்கலாம் அல்லது அசோசியேட் கணக்கைச் சேர்க்கலாம். இதைச் செய்ய QR குறியீட்டை ஸ்கேன் செய்ய வேண்டும். ஆண்ட்ராய்டு யூசர்களுக்கு ஒரு வருடத்திற்கு மேலாக கிடைத்துவரும் இந்த அம்சம், விரைவில் ஐபோன் யூசர்களுக்கும் வெளியிடப்படும்.
இதையும் படிக்க: ரூ.40,000-க்குள் கிடைக்கும் iQOO 13 மொபைல்..! விவரங்கள் உள்ளே…
ஆண்ட்ராய்டில், ஒரே நேரத்தில் இரண்டு கணக்குகளைப் பயன்படுத்துவதற்கு இரட்டை சிம் அமைப்பு தேவைப்படுகிறது. ஆனால், புதிய iOS அப்டேட் இந்த செயல்முறையை எளிதாக்கி, யூசர்கள் தங்கள் எல்லா உரையாடல்களையும் ஒரே செயலியில் நிர்வகிக்க அனுமதிக்கிறது.
இந்த அம்சம் மூலம் யூசர்களால் பல வாட்ஸ்அப் கணக்குகளில் உள்ள உரையாடல்களை ஒரே செயலிக்குள் நிர்வகிக்க முடியும். அதே சமயம், வாட்ஸ்அப் கணக்குகளின் விவரங்களை தனித்தனியாக வைத்திருக்க முடியும். நோட்டிஃபிகேஷன், அரட்டைகள், பேக்கப் மற்றும் செட்டிங்ஸ் ஆகியவை ஒவ்வொரு கணக்கிற்கும் தனித்தனியாக இருந்தாலும், இரண்டும் தன்னாட்சி முறையில் செயல்படுவதை உறுதி செய்யும்.
இதையும் படிக்க: எச்சரிக்கை…! வாட்ஸ்அப்பின் இந்த அம்சத்தை பயன்படுத்தினால் நீங்கள் சிக்கலில் மாட்டலாம்…
இரண்டு சிம் கார்டுகளைக் கொண்ட யூசர்கள் இனி பயனடைவார்கள். ஏனெனில், அவர்கள் இனி ஒவ்வொரு சிம்மையும் வாட்ஸ்அப் அல்லது வாட்ஸ்அப் பிசினஸ் எனத் தனியாக ஒதுக்க வேண்டியதில்லை. அதற்குப் பதிலாக, முதன்மை வாட்ஸ்அப் செயலியானது, இரண்டு எண்களையும் ஒரே நேரத்தில் தடையின்றி நிர்வகிக்கும்.
January 29, 2025 4:53 PM IST
