Last Updated:
டெல்லியில் நடந்த கோ கோ உலகக்கோப்பை போட்டிகளை பார்வையிட்ட சுக்லா செய்தியாளர்களை சந்தித்தார். அப்போது இந்திய ஆடவர் கிரிக்கெட் அணியில் எந்த கருத்து வேறுபாடும் இல்லை என்று கூறினார்.
இந்திய கிரிக்கெட் ஆடவர் அணியில் பயிற்சியாளருக்கும், கேப்டனுக்கும் இடையே எந்த மோதலும் இல்லை என்று பிசிசிஐ துணைத் தலைவர் ராஜிவ் சுக்லா தெரிவித்துள்ளார்.
டெல்லியில் நடந்த கோ கோ உலகக்கோப்பை போட்டிகளை பார்வையிட்ட சுக்லா செய்தியாளர்களை சந்தித்தார். அப்போது இந்திய ஆடவர் கிரிக்கெட் அணியில் எந்த கருத்து வேறுபாடும் இல்லை என்று கூறினார். அதில், “இது முற்றிலும் தவறான தகவல். பயிற்சியாளருக்கும், தேர்வுக்குழு சேர்மனுக்கும் எந்த மோதலும் இல்லை. இதேபோல் பயிற்சியாளர் கம்பீர் மற்றும் கேப்டன் ரோஹித் சர்மா இடையேயும் எந்த மோதலும் இல்லை.” என்று கூறினார்.
மேலும், இந்திய வீரர்களான ரோஹித் சர்மா மற்றும் விராட் கோலி ஆகியோரின் மோசமான பார்ம் குறித்து பேசிய ராஜிவ் சுக்லா, “ஒரு விளையாட்டில் வீரர்கள் பார்மில் இருப்பதும், இல்லாமல் போவதும் நடக்கும். இவை வாழ்க்கையின் அங்கம். தான் பார்மில் இல்லை என்று உணர்ந்த ரோஹித், சிட்னி டெஸ்டிலிருந்து விலகினார்” என்று தெரிவித்தார்.
வரும் பிப்ரவரி 19 ஆம் தேதி பாகிஸ்தான் மற்றும் ஐக்கிய அரபு அமீரகத்தில் நடக்க உள்ள சாம்பியன்ஸ் கோப்பைக்கான இந்திய அணி வரும் 18 அல்லது 19 ஆம் தேதி அறிவிக்கப்படும் என்றார். இந்தியா- பாகிஸ்தான் அணிகள் மோதும் போட்டி வரும் பிப்ரவரி 23 ஆம் தேதி நடைபெற இருக்கிறது.
Chennai [Madras],Chennai,Tamil Nadu
January 14, 2025 4:09 PM IST
