புஷ்பா 2 -க்கு பின்னர் வசூலை அள்ளப்போகும் தென்னிந்திய படம் எது தெரியுமா?

தெலுங்கு மொழியில் உருவான புஷ்பா 2 திரைப்படம் இந்திய அளவில் மிகப்பெரும் வரவேற்பை பெற்றது. குறிப்பாக இந்தி மொழி மாநிலங்களிலும் இந்த படத்திற்கு நல்ல வரவேற்பு கிடைத்தது. கடந்த மாதம் 5-ஆம் தேதி வெளியான புஷ்பா 2 திரைப்படம் தற்போது வரை சுமார் 1800 கோடி ரூபாய் அளவுக்கு வசூல் செய்திருப்பதாக தகவல்கள் தெரிவிக்கின்றன.

இந்த படத்தை கூடுதல் 20 நிமிட காட்சிகளுடன் மீண்டும் வெளியிடப் போவதாக பட தயாரிப்பு நிறுவனம் அறிவித்திருக்கிறது. இந்நிலையில் ஷங்கர் இயக்கத்தில் ராம்சரண் நடித்துள்ள கேம் சேஞ்சர் திரைப்படம் பொங்கலையொட்டி வரும் 10-ஆம் தேதி வெளியாக உள்ளது.

சுமார் 400 கோடி ரூபாய் பட்ஜெட்டில் இந்த படம் உருவாகியுள்ளதாக தகவல்கள் தெரிவிக்கின்றன. இந்தியன் 2 திரைப்படம் தோல்வியை சந்தித்த நிலையில் அடுத்ததாக ராம் சரணை வைத்து கேம் சேஞ்சர் என்ற படத்தை ஷங்கர் இயக்கியுள்ளார்.

இந்த படத்தில் ஐஏஎஸ் அதிகாரி கேரக்டரில் ராம்சரண் நடித்திருக்கிறார். சில மாதங்களுக்கு முன்பு வெளிவந்த ஆர்.ஆர்.ஆர் திரைப்படம் இந்திய அளவில் மிகப்பெரும் வரவேற்பை பெற்றது. இந்த படத்தின் மூலமாக ராம் சரணின் மார்க்கெட் இந்திய அளவில் அதிகரித்து இருக்கிறது.

இந்தி மொழியில் போட்டியாக மிகப்பெரிய பட்ஜெட் படங்கள் ஏதும் வெளியாகாத நிலையில் கேம் சேஞ்ச் திரைப்படம் ரசிகர்களின் எதிர்பார்ப்பை நிறைவேற்றினால் இந்த திரைப்படம் வசூலை அள்ளி குவிக்கும் என்று எதிர்பார்க்கப்படுகிறது.

இதையும் படிங்க – ரஜினிகாந்த் நடிக்கும் கூலி படத்தின் ரிலீஸ் தேதி இதுதானா? ஜெயிலர் வெளியீட்டை ஃபாலோ பண்ணும் சன் பிக்சர்ஸ்!!

தமிழ்நாட்டிலும் இந்த திரைப்படம் தமிழ் மொழியில் டப்பிங் செய்யப்பட்டு வெளியாக உள்ளது. இந்த படத்தில் ராம் சரணுக்கு ஜோடியாக கியாரா அத்வானி நடித்திருக்கிறார். எஸ். ஜே. சூர்யா வில்லன் கேரக்டரில் இடம் பெற்றுள்ளார். தமன் இசையமைத்துள்ள இந்த படத்தை தெலுங்கில் பிரபல தயாரிப்பாளராக இருக்கும் தில் ராஜு தயாரித்துள்ளார்.