‘மதகஜராஜா’ கொடுத்த தெம்பு.. 6 ஆண்டுகளுக்குப் பின் வெளியாகும் விமல் படம்!

‘களவாணி’, ‘கலகலப்பு’, ‘தேசிங்கு ராஜா’ உள்ளிட்ட பல படங்களின் மூலம் ரசிகர்களின் கவனத்தை ஈர்த்தவர் விமல். கடைசியாக அவர் நடிப்பில் ‘சார்’ படம் வெளியானது.

இதனிடையே அவர் நடிப்பில் 6 ஆண்டுகளுக்கு முன் உருவான திரைப்படம் ‘படவா’. இந்தப் படத்தில் விமலுடன் இணைந்து சூரி நடித்துள்ளார். படத்தை கே.வி.நந்தா இயக்கியுள்ளார். ஜான் பீட்டர் இசையமைத்துள்ளார்.

இப்படத்தில் நாயகியாக ஸ்ரீதா நடித்துள்ளார். கேஜிஎஃப் ராம் வில்லன் கதாபாத்திரத்தில் நடித்துள்ளார். தேவதர்ஷினி, நமோ நாராயணன், வினோதினி, டி.எஸ்.ஆர். சரவண சக்தி, சாம் உள்பட பலர் நடித்துள்ளனர்.

இதையும் வாசிக்க: Album | ‘குடும்பஸ்தன்’ நாயகி சான்வே மேகனாவின் அசத்தல் ஹோம்லி க்ளிக்ஸ்!

இந்நிலையில் இந்தப் படம் வரும் பிப்ரவரி 14-ம் தேதி திரையரங்குகளில் வெளியாகும் என அறிவிக்கப்பட்டுள்ளது. 12 ஆண்டுகளுக்குப் பின் வெளியாகி விஷாலின் ‘மதகஜராஜா’ திரைப்படம் ரூ.50 கோடி வசூலை நெருங்கிய நிலையில், அந்தப் படம் கொடுத்த தெம்பால் சில ஆண்டுகளுக்கு முன் உருவான படங்கள் அடுத்தடுத்து ரிலீஸாக உள்ளன.