Last Updated:
சர்வதேச போட்டிகளில் அவர் தடுமாறிய நிலையில் உள்ளூர் போட்டிகளிலும் ரோகித் சர்மா ரன்கள் குவிக்க தவறியது அதிர்ச்சியை ஏற்படுத்தி வருகிறது.
ரஞ்சித் கிரிக்கெட் தொடரில் இந்திய அணியின் பேட்ஸ்மேன் விக்கெட் கீப்பருமான கே.எல். ராகுல் கர்நாடக அணிக்காக விளையாடுவார் என தகவல்கள் வெளிவந்துள்ளன.
இந்திய கிரிக்கெட் அணி ஆஸ்திரேலியாவில் சுற்றுப்பயணம் மேற்கொண்டு 5 போட்டிகள் கொண்ட டெஸ்ட் கிரிக்கெட் தொடரில் விளையாடியது. இதில் இந்திய அணி 3-1 என்ற கணக்கில் தொடரை இழந்தது. இதன் மூலம் உலக டெஸ்ட் சாம்பியன்ஷிப் இறுதிப் போட்டியில் பங்கேற்கும் வாய்ப்பையும் இழந்தது இந்திய அணி.
இந்த போட்டி தொடரில் பவுலர்கள் சிறப்பான ஆட்டத்தை வெளிப்படுத்திய நிலையில் மூத்த பேட்ஸ்மேன்களின் மோசமான ஆட்டத்தால் இந்திய அணி தொடரை இழந்ததாக விமர்சனங்கள் எழுந்துள்ளன. குறிப்பாக விராட் கோலி ரோஹித் சர்மா மற்றும் கே. எல். ராகுல் ஆகியோர் இன்னும் சிறப்பாக ஆட்டத்தை வெளிப்படுத்தி இருக்கலாம் என்று விமர்சனங்கள் எழுந்துள்ளது.
பேட்டிங்கில் முன்னேற்றம் காண்பதற்காக ரஞ்சிக்கோப்பை தொடரில் மும்பை அணிக்காக ரோகித் சர்மா விளையாடினார். சர்வதேச போட்டிகளில் அவர் தடுமாறிய நிலையில் உள்ளூர் போட்டிகளிலும் அவர் ரன்கள் குவிக்க தவறியது அதிர்ச்சியை ஏற்படுத்தி வருகிறது.
அவரைத் தொடர்ந்து இந்திய அணியின் நட்சத்திர வீரரான கே.எல். ராகுல் ரஞ்சி கிரிக்கெட் தொடரில் கர்நாடகா அணிக்காக விளையாடுவார் என்று எதிர்பார்க்கப்படுகிறது. அரியானா அணிக்கு எதிரான ஆட்டத்தில் கே.எல். ராகுல் களம் இறங்குவார் என்று தகவல்கள் தெரிவிக்கின்றன.
சர்வதேச போட்டிகளில் மோசமான ஆட்டத்தை கே.எல்.ராகுல் வெளிப்படுத்தியிருந்த நிலையில், ரஞ்சி தொடரில் சிறப்பாக விளையாடி கம்பேக் கொடுப்பாரா என்ற எதிர்பார்ப்பில் ரசிகர்கள் உள்ளனர்.
January 27, 2025 4:12 PM IST
