சிஎன்பிசி-டிவி18 குளோபல் லீடர்ஷிப் உச்சி மாநாட்டில் பேசிய ஸ்விகி இன்ஸ்டாமார்ட்டின் தலைமை நிர்வாக அதிகாரி (CEO) ஸ்ரீஹர்ஷா மேஜெட்டி, ஸ்விகி பிளாட்ஃபார்மில் அதிகம் ஆர்டர் செய்யப்பட்ட பொருளானது, பேட்டரிகள் போன்ற அதிகம் தேடப்பட்ட பொருட்களை மிஞ்சும் வகையில் உள்ளது என்று தெரிவித்துள்ளார்.
இ-காமர்ஸ் நிறுவனங்களில் ஆர்டர் செய்யப்படும் பொருட்கள் ஒன்று அல்லது இரண்டு நாட்களில் டெலிவரி செய்யப்படுவது வழக்கம்.
Also Read:
Gold Rate: வாரத்தின் முதல் நாளே அதிரடியாக உயர்ந்த தங்கம் விலை..! இன்றைய ரேட் என்ன தெரியுமா?
ஆனால் அந்த காலம் கிட்டத்தட்ட முடிந்துவிட்டது. அதற்கு மாறாக, தற்போதைய புதிய சகாப்தம் விரைவான வர்த்தகமாகும். இது நீங்கள் ஆர்டர் செய்த 10 நிமிடங்களுக்குள் பொருட்களை டெலிவரி செய்கிறது.
சமீபத்தில், ஸ்விகி இன்ஸ்டாமார்ட் தலைமை நிர்வாக அதிகாரி ஸ்ரீஹர்ஷா மேஜெட்டி கூறுகையில், “நான் சொல்வது உங்களுக்கு விசித்திரமாகத் தோன்றினாலும், அதுதான் உண்மை. நெட்டிசன்கள் பொதுவாக விரைவான வர்த்தக தளத்தில் பெட்ஷீட்களையே அதிகமாக ஆர்டர் செய்கிறார்கள்”.
சிஎன்பிசி-டிவி18 குளோபல் லீடர்ஷிப் உச்சி மாநாட்டில் பேசிய மேஜெட்டி, “மக்கள் 10 நிமிடங்களில் எதை ஆர்டர் செய்ய விரும்புகிறார்கள் என்று நினைக்கிறீர்கள்? என்று கேட்டார். பின்னர், இன்ஸ்டாமார்ட்டில் மக்கள் பெட்ஷீட்களையே அதிகம் ஆர்டர் செய்கிறார்கள் என்று நான் சொன்னால், அதை யார் நம்புவார்கள்? ஆனால், எங்கள் பிளாட்ஃபார்மில், பெட்ஷீட்கள் விரைவான டெலிவரிக்காக ஆர்டர் செய்யப்படுகின்றன என்பது உண்மைதான்” என்று கூறினார்.
முன்பு மக்கள் பேட்டரிகளை அதிகம் தேடினர் என்றும், தற்போது பெட்ஷீட்களுக்கான ஆர்டர்கள் அதிகரித்துள்ளதாகவும் அவர் கூறினார். விரைவு வர்த்தகம் மற்றும் இ-காமர்ஸ் இடையே உள்ள கோடு மங்கலாக உள்ளது. மற்ற ஈ-காமர்ஸ் நிறுவனங்களும் விரைவான விநியோகத்தை நோக்கி நகர்கின்றன. “எங்கள் நிறுவனமே எல்லா இடங்களிலும் இருக்க முடியாது அல்லவா? எனினும், மற்ற வீரர்களும் இந்த துறையில் குதிக்கின்றனர். மேலும் விரைவான விநியோகத்திற்கான போட்டியும் அதிகரித்துள்ளது” என்று அவர் கூறினார்.
இதையும் படிக்க:
இலவச போன் கால்ஸ்கள் வேண்டும் என்று கேட்டவர்களுக்கு குட் நியூஸ்… ஜியோவின் புதிய ரீசார்ஜ் திட்டம்!!!
தலைமை நிர்வாக அதிகாரியாக தனது சவால்கள் குறித்து பேசிய மேஜெட்டி, “நாங்கள் நிறுவனத்தை தொடங்கியதில் இருந்து, உடன் இருந்தவர்கள் அனைவரையும் என்னுடன் அழைத்துச் செல்வதே என் முன் இருந்த மிகப்பெரிய சவாலாக இருந்தது. நாங்கள் முன்னோக்கிச் செல்ல, அது மிகவும் கடினமாகிவிட்டது, ஆனால் மக்கள் எங்களுடன் இணைந்தது இன்று எங்கள் வெற்றியின் ரகசியமாகிவிட்டது. இது எப்போதும் எளிதானது அல்ல, ஆனால் நிறுவனம் வளரும்போது, அதுவே அடித்தளமாகிறது.”
“சந்தையை பொறுத்தவரையில், ஸ்விகி மற்றும் சொமேட்டோ மட்டுமே சந்தையில் போட்டியிடவில்லை. இன்னும் பலரும் இந்த வர்த்தகத்தில் எங்களுக்கு போட்டியாளர்களாக இருக்கின்றனர்” என்று மேஜெட்டி கூறினார்.
இதையும் படிக்க:
ஃபிக்சட் டெபாசிட்டுக்கான வட்டி விகிதத்தை குறைத்த Yes வங்கி!!!
“2014இல் ஸ்விகி தொடங்கப்பட்டபோது, சந்தையில் 19க்கும் மேற்பட்ட வீரர்கள் இருந்தனர். இன்று விரைவு வர்த்தகத்தின் சந்தை 5.5 பில்லியன் டாலர்களாக (சுமார் ரூ. 50,000 கோடி ரூபாய்) வளர்ந்துள்ளது. ஆரம்பத்தில், இது மளிகைப் பொருட்களை விநியோகிக்க பயன்படுத்தப்பட்டது. இப்போது அது எலக்ட்ரானிக்ஸ், உடைகள் மற்றும் விளையாட்டு உபகரணங்களை வழங்கத் தொடங்கியுள்ளது” என்றும் மேஜெட்டி கூறினார்.
.
