Last Updated:
Samsung | சாம்சங் கேலக்ஸி எஸ்25, ஆண்ட்ராய்டு 15, ஒன் யூஐ 7, 12 ஜிபி ரேம், 1TB ஸ்டோரேஜ், 200MP கேமரா, 45W ஃபாஸ்ட் சார்ஜிங் உடன் பிப்ரவரியில் இந்தியாவில் வருகிறது.
சாம்சங் கேலக்ஸி எஸ்25 தொடரானது, புதிய ஏஐ அம்சங்கள், ஆண்ட்ராய்டு 15 உட்பட பல்வேறு சிறப்பம்சங்களுடன் அறிமுகப்படுத்தப்பட்டது. பிப்ரவரியில் இந்தியாவில் விற்பனைக்கு வரும் என்றும் நிறுவனம் தெரிவித்துள்ளது. சாம்சங் நிறுவனம் அதன் சாம்சங் கேலக்ஸி எஸ்25 தொடரை கடந்த புதன்கிழமை வெளியிட்டது. இந்த புதிய கேலக்ஸி தொடர், அதிக ரேம் மற்றும் ஸ்னாப்டிராகன் எலெட் சிப்செட்டுடன் வருகிறது. மேலும், ஸ்மார்ட்போன் சந்தையில் முதல் முறையாக ஒன் யூஐ 7 பதிப்பைக் கொண்ட ஆண்ட்ராய்டு 15 ஓஎஸ் உடன் வருகிறது. அதே நேரத்தில், சாம்சங் இந்த கேலக்ஸி தொடரிலும் மூன்று மாடல்களை அறிமுகப்படுத்தியுள்ளது.
சாம்சங் கேலக்ஸி எஸ்25 தொடர் விலை
சாம்சங் கேலக்ஸி எஸ்25 தொடரானது $799.99 (இந்திய மதிப்பில் தோராயமாக ரூ. 68,700) என்கிற விலையில் தொடங்குகிறது. இதன் அடிப்படை கேலக்ஸி எஸ்25+ வேரியண்ட் அதிகபட்சமாக $999.99 (தோராயமாக ரூ. 86,500) விலையிலும், கேலக்ஸி எஸ்25அல்ட்ரா 2025 $1,299.99 (தோராயமாக ரூ. 1,11,700) விலையிலும் கிடைக்கும். சாம்சங், விரைவில் இந்தியாவில் கேலக்ஸி எஸ்25 தொடரின் அதிகாரப்பூர்வ விலைகளை பட்டியலிடும், அதே நேரத்தில் பிப்ரவரி 7 முதல் இந்த ஸ்மார்ட்போனின் விற்பனை தொடங்கும் என்றும் நிறுவனம் அறிவித்துள்ளது.
சாம்சங் கேலக்ஸி எஸ்25 தொடர் முக்கிய அம்சங்கள்
முந்தைய கேலக்ஸி தொடரைப் போலவே இந்த தொடரிலும், முதன்மை மாடலாக கேலக்ஸி எஸ்25 அல்ட்ரா மீண்டும் முன்னிலை வகிக்கும். இந்த பிரீமியம் மாடலில் 6.9-இன்ச் அமோலெட் (AMOLED) 2x டிஸ்ப்ளே, அடாப்டிவ் 120Hz ரெஃப்ரெஷ் ரேட் மற்றும் க்யூஎச்டி (QHD) உடன் கூடிய டிஸ்ப்ளே ரெசொலூசன் ஆகியவற்றைக் கொண்டிருக்கும். மேலும், இந்த ஸ்மார்ட்போன் 8.2 மிமீ தடிமனாகவும், 218 கிராம் எடையுடனும் வரும். உடன் இது 45W ஃபாஸ்ட் வயர்டு சார்ஜிங் மற்றும் 5,000mAh பேட்டரியுடன் பேக் செய்யப்படுகிறது.
அதேநேரத்தில், கேலக்ஸி எஸ்25 மற்றும் எஸ்25 பிளஸ் ஆகியவை முறையே 7.2 மிமீ மற்றும் 7.3 மிமீ தடிமனையும், 162 கிராம் மற்றும் 190 கிராம் எடையையும் கொண்டிருக்கும். கேலக்ஸி எஸ்25 ஆனது 120Hz அடேப்டிவ் ரெஃப்ரெஷ் ரேட் டிஸ்ப்ளேயுடன் 6.2 எஃப்எச்டி மற்றும் அமோலெட் (FHD+ AMOLED) டிஸ்ப்ளேவைக் கொண்டுள்ளது. அதே நேரத்தில் கேலக்ஸி S25+ அதே அம்சங்களுடன் பெரிய 6.7-இன்ச் டிஸ்ப்ளேவுடன் வருகிறது.
சாம்சங் இந்த மூன்று மாடல்களுக்கும் ஆண்ட்ராய்டு 15 உடன் புதிய ஒன் யூஐ 7 வெர்ஷனையும் மற்றும் பல புதிய அம்சங்களையும் சேர்க்கிறது. மேலும், கேலக்ஸி ஏஐ தொழில்நுட்பத்தை நிறுவனம் முக்கிய அம்சமாக பார்க்கிறது, கூடுதலாக இந்த ஆண்டு இது பிக்ஸ்பியுடன் ஒருங்கிணைக்கப்பட்டுள்ளது. இந்த ஸ்மார்ட்போன்களுக்கு 7 ஆண்டுகள் ஓஎஸ் அப்டேட்டுகளை வழங்கும் சாம்சங், 6 மாத ஜெமினி அட்வான்ஸ்டு சப்ஸ்கிரிப்ஷனையும் இலவசமாக வழங்குகிறது.
சாம்சங்கின் இந்த மூன்று ஸ்மார்ட்போன்களும் 12 ஜிபி ரேம் மற்றும் 1TB இன்டர்னல் ஸ்டோரேஜ் உடன், ஸ்னாப்டிராகன் 8 எலைட் சிப்செட்டுடன் வருகின்றன. அல்ட்ரா மாடலில் மீண்டும் எஸ் பென் இணைக்கப்பட்டுள்ளது, ஆனால் அதன் அம்சங்கள் இந்த ஆண்டு குறைவாக இருக்கும் என்று கூறப்படுகிறது. கேமராவைப் பொறுத்த வரையில், அல்ட்ரா கேமராவில் 200MP சென்சார், 50MP டெலிஃபோட்டோ லென்ஸ், 10MP டெலிஃபோட்டோ லென்ஸ், 50MP அல்ட்ராவைடு ஆங்கிள் சென்சார் உள்ளிட்ட நான்கு பின்புற கேமரா செட்அப்பைக் கொண்டுள்ளன. எஸ்25 மற்றும் 25+ மாடல்களில் 50MP வைட் சென்சார், 10MP டெலிஃபோட்டோ லென்ஸ் மற்றும் 12MP அல்ட்ராவைடு லென்ஸ் கொண்ட டிரிபிள் கேமரா செட்அப் இருக்கும். அல்ட்ரா மற்றும் பிற இரண்டு மாடல்களின் முன்புறத்திலும் 12MP ஷூட்டர் இடம்பெற்றிருக்கும்.
January 26, 2025 8:00 PM IST
