பிஎஸ்என்எல் தனது 5G சேவைகளை 2025ஆம் ஆண்டின் மத்தியில் 4G வெளியீட்டை முடித்த பிறகு தொடங்கும் என அறிவித்துள்ளது. அரசுக்கு சொந்தமான இந்த தொலைதொடர்பு நிறுவனம் கூடுதலாக, இந்தியா முழுவதும் யூசர் அனுபவத்தை மேம்படுத்த ஏழு புதிய சேவைகளையும் அறிவித்துள்ளது.
பல மாத எதிர்பார்ப்புக்குப் பிறகு, பாரத் சஞ்சார் நிகாம் லிமிடெட் அதன் 5G சேவைகளின் வெளியீட்டை அதிகாரப்பூர்வமாக உறுதிப்படுத்தியுள்ளது. புதிய பிஎஸ்என்எல் லோகோ மற்றும் 7 புதிய உள்நாட்டு சேவைகளின் வெளியீட்டின்போது, பிஎஸ்என்எல் அதன் 5G வெளியீட்டை 2025ஆம் ஆண்டில் தொடங்க உள்ளதாக மத்திய தகவல் தொடர்பு மற்றும் வடகிழக்கு பிராந்தியத்தின் மேம்பாட்டு அமைச்சர், ஸ்ரீ ஜோதிராதித்யா எம். சிந்தியா தெரிவித்துள்ளார்.
இந்தியாவிற்கு அடுத்த தலைமுறை இணைப்பை அறிமுகப்படுத்த, அதன் 5G ரேடியோ அணுகல் நெட்வொர்க் (RAN) மற்றும் 3.6 GHz மற்றும் 700 MHz அதிர்வெண் அலைவரிசைகளில் கோர் நெட்வொர்க்கின் சோதனைகளை பிஎஸ்என்எல் வெற்றிகரமாக முடித்தது.
2025ஆம் ஆண்டின் பாதியில் 1,00,000 பிஎஸ்என்எல் 4G தளங்களை அமைக்க தொலைதொடர்புத் துறை திட்டமிட்டுள்ளதாகவும் சிந்தியா கூறினார். அவற்றில் பல, படிப்படியாக வெளியிடப்படும் திட்டத்தின் ஒரு பகுதியாக 5Gக்கு மேம்படுத்தப்படும் என்று பத்திரிகை தகவல் ஆணையம் (PIB) தெரிவித்துள்ளது.
அதன் அறிக்கையின்படி, பிஎஸ்என்எல்-ன் 5G சோதனைகள் டெலிமேட்டிக்ஸ் மேம்பாட்டு மையம் மற்றும் உள்ளூர் உற்பத்தியாளர்களுடன் இணைந்து உள்நாட்டு உபகரணங்கள் மற்றும் தீர்வுகளை சோதிக்கிறது. மேலும் சோதனைகள் வெற்றிகரமாகவும் முடிக்கப்பட்டுள்ளன. எனவே பிஎஸ்என்எல் இப்போது 5G-ஐ பயன்படுத்துவதற்கான அதன் திட்டங்களுடன் முன்னேறி வருகிறது. இது சீரான வேகத்தையும், மேம்படுத்தப்பட்ட இணைப்பையும் வழங்குவதை இது உறுதி செய்கிறது.
இதற்கிடையில், வரவிருக்கும் 5G வெளியீட்டை உறுதிப்படுத்துவதோடு, நாடு முழுவதும் உள்ள அதன் பயனர்களுக்கு பாதுகாப்பு, மலிவு விலை மற்றும் நம்பகத்தன்மையை மேம்படுத்துவதை நோக்கமாகக் கொண்ட ஏழு புதிய சேவைகளையும் பிஎஸ்என்எல் அறிமுகப்படுத்தியது. இந்த சேவைகள் நகர்ப்புற மற்றும் கிராமப்புறங்களுக்கு இடையேயான டிஜிட்டல் பிளவைக் குறைக்க பிஎஸ்என்எல்-ன் முயற்சிகளுக்கு ஏற்ப உள்ளன.
பிஎஸ்என்எல்-ன் புதிய சேவைகள்:
1. ஸ்பேம் ஃப்ரீ நெட்வொர்க்: பிஎஸ்என்எல் ஆனது ஆன்லைன் திருட்டு முயற்சிகள் மற்றும் தீங்கிழைக்கும் எஸ்.எம்.எஸ்-களை தானாக நீக்குவதன் மூலம் அதன் பயனர்களுக்கு, பாதுகாப்பான தகவல் தொடர்பு அனுபவத்தை வழங்குவதை நோக்கமாகக் கொண்ட புதிய ஸ்பேம்-தடுக்கும் அம்சத்தை வெளியிட்டுள்ளது. இதன் சிறப்பம்சம் என்னவென்றால், சந்தேகத்திற்கிடமான செய்திகளை யூசர்கள் புகாரளிக்கவோ, தடுக்கவோ தேவையில்லாமல், நெட்வொர்க்கே பாதுகாப்பை மேம்படுத்துவதில் கவனம் செலுத்துவதாகக் கூறப்படுகிறது.
இதையும் படிக்க:
Jio Diwali offer | ஜியோ ப்ரீபெய்ட் வாடிக்கையாளர்களுக்கு தீபாவளி டபுள் ஜாக்பாட்! – வெளியான அதிரடி அறிவிப்பு
2. தேசிய வைஃபை ரோமிங்: பிஎஸ்என்எல் தனது புதிய வைஃபை ரோமிங் சேவையையும் அறிவித்துள்ளது, இது ஃபைபர்-டு-தி-ஹோம் (FTTH) வாடிக்கையாளர்களுக்கு கூடுதல் கட்டணமின்றி பிஎஸ்என்எல் வைஃபை ஹாட்ஸ்பாட்களை பயன்படுத்த அனுமதிக்கிறது. இவ்வாறாக அதிவேக இணைய இணைப்பைப் பராமரிக்கும் அதே வேளையில், டேட்டா செலவுகளைக் குறைக்கும் வகையில் இந்த சேவை வடிவமைக்கப்பட்டுள்ளது.
3. பிஎஸ்என்எல் ஐஎஃப்டிவி (இன்ட்ராநெட் ஃபைபர் டிவி): மேலும் தொலைதொடர்பு நிறுவனம், பிஎஸ்என்எல்-ன் ஐஎஃப்டிவி (IFTV) சேவையையும் அறிவித்துள்ளது. இது அதன் ஃபைபர் நெட்வொர்க் மூலம் 500க்கும் மேற்பட்ட நேரடி டிவி சேனல்களை பயனர்களுக்கு வழங்கும். FTTH சந்தாதாரர்கள் தங்கள் டேட்டா பேக்குகளை பயன்படுத்தாமலேயே இந்தச் சேவையை அணுக முடியும்.
இதையும் படிக்க:
TRAI New Rule: நவம்பர் 1 முதல் மெசேஜ் வராது? ஜியோ, ஏர்டெல், வி வாடிக்கையாளர்களுக்கு அதிர்ச்சி தகவல்..
4. 24/7 சிம் வழங்குதல்: பிஎஸ்என்எல் தானியங்கி சிம் கியோஸ்க்களையும் அறிமுகப்படுத்துகிறது, இது பயனர்கள் சிம் கார்டுகளை 24/7 வாங்க, மேம்படுத்த அல்லது மாற்ற அனுமதிக்கும். இந்த கியோஸ்க்குகள் UPI/QR அடிப்படையிலான கட்டணங்களை ஆதரிப்பதோடு, பன்மொழி KYC உடன் ஒருங்கிணைக்கப்படும்.
5. டிரைக்ட் டு டிவைஸ் இணைப்பு: பிஎஸ்என்எல் ஆனது இந்தியாவின் முதல் டிரைக்ட் டு டிவைசையும் (Direct-to-Device – D2D) அறிமுகப்படுத்தியுள்ளது. இது செயற்கைக்கோள் மற்றும் மொபைல் நெட்வொர்க்குகளை இணைப்பதன் மூலம் தடையற்ற இணைப்பை வழங்குகிறது. வழக்கமான நெட்வொர்க்குகள் அடிக்கடி தோல்வியடையும் அல்லது கிடைக்காத தொலைதூர அல்லது பேரிடர் பாதிப்புக்குள்ளான பகுதிகளில் இந்த சேவை மிகவும் பயனுள்ளதாக இருக்கும் என்று பிஎஸ்என்எல் கூறுகிறது.
6. பேரிடர் நிவாரண நெட்வொர்க்: பிஎஸ்என்எல் பேரிடர் நிவாரண காலத்தில் அதன் திறன்களை அரசு நிறுவனங்களுக்கு அளவிடக்கூடிய, பாதுகாப்பான தகவல் தொடர்பு நெட்வொர்க்குடன் மேம்படுத்துவதாக அறிவித்துள்ளது. தேவைப்படும்போது கவரேஜை நீட்டிக்க ட்ரோன்கள் மற்றும் பலூன் அடிப்படையிலான அமைப்புகளை பயன்படுத்தி, அவசர காலங்களில் இந்த நெட்வொர்க் செயல்படும் என்று நிறுவனம் கூறுகிறது.
இதையும் படிக்க:
உஷார்..! PAN கார்டு உள்ளதா..? அப்போ இந்த செய்தி உங்களுக்கு தான்
7. சுரங்க நடவடிக்கைகளுக்கான தனியார் 5G: C-DAC உடன் இணைந்து, பிஎஸ்என்எல் குறிப்பாக சுரங்கத் துறைக்காக 5G இணைப்பை அறிமுகப்படுத்தியுள்ளது. குறைந்த தாமதம், அதிவேக நெட்வொர்க் கொண்ட இந்த அம்சம் சுரங்கங்களில் மேம்பட்ட AI மற்றும் IoT மூலம் பாதுகாப்பு கண்காணிப்பு மற்றும் பயனர்களுக்கான நிகழ்நேர தொலைநிலை செயல்பாடுகள் உட்பட மற்ற பயன்பாடுகளையும் செயல்படுத்தும்.
.
