உங்கள் கையில் உள்ள பணம் உண்மையா? போலியா? சுலபமாக சரிபார்க்கும் முறைகள் இவை

இருந்தும் கூட சில போலியான பணம் புழக்கத்தில் இருந்து வருகிறது. இதனை தடுக்கும் விதமாக RBI சில வழிகாட்டு நெறிமுறைகளை வெளியிட்டுள்ளது. அதன்படி, போலி ₹100 நோட்டுகளை கண்டுபிடிக்கலாம், எப்படி? ₹100 நோட்டில் “See Through Register” என்ற தனித்துவமான அம்சம் உள்ளது. இது மலர் வடிவத்தில் வடிவமைக்கப்பட்டிருக்கும். வெளிச்சத்தில் பார்க்கும்போது மட்டும் இதில் ”100” என்ற எழுத்து தெளிவாக தெரியும். வாட்டர்மார்க்கில் மகாத்மா காந்தியின் படம் காணலாம். அதனுடன் 100 என்ற எண் நீல & பச்சை நிறத்தில் மாறும்.

₹200 நோட்டில் முக்கிய அம்சங்கள்! மகாத்மா காந்தியின் புகைப்படம் நடுவில் இருக்கும். ”200” தேவநாகரியில் எழுதியிருக்கும். ”Reserve Bank of India”, ”भारत”, ”India”, ”200” ஆகியவை மைக்ரோ எழுத்துக்களில் அச்சிடப்பட்டுள்ளது. ₹200 நோட்டில் அசோகத் தூணின் சின்னம் வலது பக்கம் காணப்படும்.

இதையும் வாசிக்க: Child Care : உஷார்!! உங்க குழந்தைகளை சுகாதாரமற்ற குடிநீர் கொடுக்கதீங்க… இந்த நோய் எல்லாம் தாக்க வாய்ப்பு…

₹500 நோட்டுகளை போலியாக்க முடியுமா? ₹500 நோட்டில் மகாத்மா காந்தியின் உருவப்படம் & அசோக சின்னம் உயர்த்தப்பட்ட பதிப்பாக இருக்கும் – இது பார்வை குறைபாடுள்ளவர்கள் கூட உணரக்கூடியது! ”500” என்ற எண் தேவநாகரியில் எழுதியிருக்கும். பாதுகாப்பு நூல் பச்சை நிறத்தில் இருந்து நீல நிறமாக மாறும். வலது பக்கம் RBI கவர்னரின் கையெழுத்து இருக்கும்.

போலி ரூபாய் நோட்டுகளால் நீங்கள் ஏமாற்றப்பட்டாலோ அல்லது உங்களுக்கு கிடைத்தாலோ அருகில் போலீஸ் நிலையத்தில் புகார் அளிக்கலாம். பணப்பரிமாற்றம் செய்யும் போது எச்சரிக்கையாக இருக்க வேண்டும். புதிய நோட்டுகள் வாங்கும்போது ஒளியில் பார்த்து சோதிக்க வேண்டும். முதலில் நோட்டின் பாதுகாப்பு அம்சங்களை சரிபார்த்து கொள்ளுங்கள். போலி நோட்டுகளுக்கு பயப்பட வேண்டாம் – விழிப்புணர்வுடன் இருங்கள்.

உங்கள் ஊர் செய்திகளை வீடியோவாக பெற கிளிக் செய்க