Last Updated:
Yuva Smart | யுவா ஸ்மார்ட்ஃபோன் ரூ.10,000 மற்றும் அதற்கு குறைவான பட்ஜெட்டில் கிடைக்கும் என்ட்ரி-லெவல் டிவைஸை வாங்குபவர்களை இலக்காக கொண்டு அறிமுகம் செய்யப்பட்டுள்ளது.
இந்திய ஸ்மார்ட்ஃபோன் பிராண்டான லாவா சமீபத்தில் புதிதாக யுவா ஸ்மார்ட் (Yuva Smart) என்ற என்ட்ரி-லெவல் ஸ்மார்ட்ஃபோனை அறிமுகப்படுத்தியுள்ளது. குறிப்பாக, கடந்த மாதம் அதாவது டிசம்பர் 2024-ல் லாவா யுவா 2 5G மொபைல் அறிமுகப்படுத்தப்பட்டதைத் தொடர்ந்து, சமீபத்திய மாதங்களில் லாவா நிறுவனம் அதன் யுவா லைன்அப்-இல் அறிமுகப்படுத்தி இருக்கும் இரண்டாவது மொபைல் இதுவாகும். இந்த ஸ்மார்ட்ஃபோன் ரூ.10,000 மற்றும் அதற்கு குறைவான பட்ஜெட்டில் கிடைக்கும் என்ட்ரி-லெவல் டிவைஸை வாங்குபவர்களை இலக்காக கொண்டு அறிமுகம் செய்யப்பட்டுள்ளது.
லாவா நிறுவனத்தின் யுவா ஸ்மார்ட் மொபைலின் விலை:
புதிய யுவா ஸ்மார்ட்ஃபோன் தற்போது ரூ.6,000 என்ற அறிமுக விலையில் கிடைப்பதாக லாவா நிறுவனம் தெரிவித்துள்ளது. இந்த ஸ்மார்ட்ஃபோன் அமேசான் மற்றும் ஃபிளிப்கார்ட்டில் கிளாஸி ப்ளூ, கிளாஸி லாவெண்டர் மற்றும் கிளாஸி வைட் என்று மூன்று கலர் ஆப்ஷன்களில் வாங்க கிடைக்கிறது. நிறுவனம் இந்த மொபைலுக்கு ஒரு வருட உத்தரவாதம் மற்றும் வீட்டிலேயே இலவச சர்வீஸையும் வழங்குகிறது.
யுவா ஸ்மார்ட் மொபைலின் ஸ்பெசிஃபிகேஷன்கள்:
புதிய லாவா யுவா ஸ்மார்ட் மொபைலானது 60Hz ரெஃப்ரஷ் ரேட் சப்போர்ட் கொண்ட 6.75-இன்ச் (720×1600 பிக்சல்ஸ்) HD+ டிஸ்ப்ளேவைக் கொண்டுள்ளது. இந்த மொபைல் Unisoc 9863A ஆக்டா-கோர் ப்ராசஸர் மூலம் இயக்கப்படுகிறது. மேலும், இது 3GB+3GB (விரிச்சுவல்) ரேம் மற்றும் 64GB இன்டர்னல் ஸ்டோரேஜூடன் இணைக்கப்பட்டுள்ளது. Android 14 Go-ல் இயங்கும் இந்த மொபைலில் microSD கார்ட் ஆப்ஷன் கொடுக்கப்பட்டு உள்ளது. இதன் மூலம் இன்டர்னல் ஸ்டோரேஜை 512GB வரை விரிவாக்கிக் கொள்ளலாம்.
இந்த மொபைலில் AI பவர்ட் & LED ஃபிளாஷ் கொண்ட 13MP டூயல் ரியர் கேமரா சிஸ்டம் உள்ளது. இது HDR, Portrait மற்றும் Night modes-ஐ சப்போர்ட் செய்கிறது என்று நிறுவனம் கூறுகிறது. இந்த மொபைலில் செல்ஃபிக்கள் மற்றும் வீடியோ கால்ஸ்களுக்காக 5MP ஃப்ரன்ட் கேமரா உள்ளது. இது வாட்டர் டிராப்-ஸ்டைல் நாட்ச்சில் வைக்கப்பட்டுள்ளது. மேலும், இந்த மொபைலின் கேமரா சிஸ்டம் ஸ்லோ-மோஷன் வீடியோ மற்றும் AI மோட்ஸ் போன்ற அம்சங்களையும் கொண்டுள்ளதாக லாவா தெரிவித்துள்ளது.
இதையும் படிக்க: இந்திய ராணுவம் அறிமுகப்படுத்தியுள்ள ‘சம்பவ்’ (Sambhav) ஸ்மார்ட்போன்..! எதுக்கு தெரியுமா…?
கனெக்டிவிட்டியை பொறுத்தவரை புதிய லாவா யுவா ஸ்மார்ட் மொபைல் டூயல் 4G VoLTE, Wi-Fi 5, ப்ளூடூத் 4.2 மற்றும் OTG சப்போர்ட்டை கொண்டுள்ளது. மேலும், USB டைப்-C மூலம் 10W சார்ஜிங் சப்போர்ட் கொண்ட 5,000mAh பேட்டரி கொடுக்கப்பட்டுள்ளது. இதில் பாதுகாப்பிற்காக சைட் மவுண்டட் ஃபிங்கர் பிரின்ட் சென்சார் மற்றும் ஃபேஸ் அன்லாக்கிங் அம்சங்கள் உள்ளன. மேலும், இந்த ஸ்மார்ட்ஃபோன் ஒரு வருடத்திற்கு செக்யூரிட்டி அப்டேட்ஸ்களைப் பெறும் என்று உறுதி அளிக்கப்பட்டுள்ளது.
January 28, 2025 5:08 PM IST
