Ravi Mohan| ரவி மோகனின் 34-வது படம், விஜய் ஆண்டனியின் 25-வது பட அறிவிப்புகள் இன்று! 

ரவி மோகன் நடிப்பில் அண்மையில் ‘காதலிக்க நேரமில்லை’ படம் வெளியானது. அடுத்து ‘ஜெனி’ திரைப்படம் வெளியாக உள்ளது. தொடர்ந்து அவர் சுதா கொங்கரா இயக்கத்தில் நடிக்கிறார்.

இந்தப் படங்களுக்கிடையில் ‘டாடா’ பட இயக்குநர் கணேஷ் கே பாபு இயக்கத்தில் ரவி மோகன் நடிக்கும் புதிய படத்தின் டைட்டில் இன்னும் அறிவிக்கப்படவில்லை. ரவி மோகனின் 34-வது படமாக உருவாகும் இப்படத்தின் அறிவிப்பு இன்று வெளியாகும் என படக்குழு அறிவித்துள்ளது.

இதையும் வாசிக்க: Album | ‘குடும்பஸ்தன்’ நாயகி சான்வே மேகனாவின் அசத்தல் ஹோம்லி க்ளிக்ஸ்!

அதேபோல விஜய் ஆண்டனி நடிப்பில் கடைசியாக வெளியான ‘ரோமியோ’, ‘மழைபிடிக்காத மனிதன்’, ‘ஹிட்லர்’ படங்கள் எதிர்பார்த்த வெற்றியைப் பெறவில்லை. இதனால், வெற்றிப்படத்தைக் கொடுக்கும் கட்டாயத்தில் விஜய் ஆண்டனி இருக்கிறார்.

அடுத்து விஜய் ஆண்டனி நடிப்பில் ‘ககன மார்கன்’, ‘அக்னி சிறகுகள்’ படங்கள் வெளியாக உள்ளன. இந்த நிலையில் விஜய் ஆண்டனியின் 25-ஆவது படம் அறிவிக்கப்பட்டுள்ளது. இந்தப் படத்தை விஜய் ஆண்டனி தயாரிக்கிறார். அருண் பிரபு எழுதி இயக்குகிறார். இந்தப் படத்தின் அறிவிப்பு இன்று வெளியாகும் என அறிவிக்கப்பட்டுள்ளது.