ஓய்வை அறிவித்தார் இந்திய வீரர் விரிதிமான் சாஹா.. கிரிக்கெட் ரசிகர்கள் அதிர்ச்சி!

சர்வதேச கிரிக்கெட்டின் அனைத்து வகை போட்டிகளிலும் இருந்து ஓய்வு பெறுவதாக இந்திய வீரர் விரிதிமான் சாஹா அறிவித்துள்ளார்.

40 வயதாகும் சாஹா, இந்திய அணிக்காக 40 டெஸ்ட் போட்டிகள் மற்றும் 9 ஒருநாள் போட்டிகளை விளையாடியுள்ளார். நட்சத்திர வீரர் தோனி ஓய்வுக்குப்பிறகு விக்கெட் கீப்பர் பேட்ஸ்மேனாக தேர்வு செய்ய பரிசீலிக்கப்பட்டவர் சாஹா. சர்வதேச டெஸ்ட் போட்டிகளில் ஆயிரத்து 353 ரன்களை எடுத்த சாஹா 3 சதங்களையும் விளாசியுள்ளார்.

2021ஆம் ஆண்டுக்கு பிறகு இந்திய டெஸ்ட் அணியில் வாய்ப்பு கிடைக்காமல் இருந்து வந்த சாஹா தனது ஓய்வை ஞாயிற்றுக்கிழமை அறிவித்தார். அடுத்தாண்டு நடைபெற இருக்கும் ஐபிஎல் போட்டிகளிலும் சாஹா பங்கேற்கப்போவதில்லை என்று அறிவித்துள்ளார்.

இதையும் படிங்க: தெலுங்கர்கள் குறித்து சர்ச்சை பேச்சு.. நடிகை கஸ்தூரி கொடுத்த புதிய விளக்கம் இதுதான்!

ஐபிஎல் போட்டிகள் தொடங்கியது முதல் இதுவரை, கொல்கத்தா, சென்னை, பஞ்சாப், ஐதராபாத் மற்றும் குஜராத் அணிகள் என 5 அணிகளில் விளையாடியுள்ளார் சாஹா.

.