மனித குலத்துக்குப் பயனளிக்கும் வகையில் இயற்பியல், வேதியியல், மருத்துவம், அமைதி, பொருளாதாரம் மற்றும் இலக்கியம் ஆகிய துறைகளில் சிறப்பாகச் செயலாற்றியவர்களுக்கு ஆண்டுதோறும் நோபல் பரிசு வழங்கி கௌரவிக்கப்பட்டு வருகிறது. ஸ்வீடன் தொழிலதிபர் மற்றும் அறிவியலாளரான ஆல்ஃபிரெட் நோபலின் விருப்பத்திற்கு இணங்க, அவரது நினைவாக ஆண்டுதோறும் நோபல் பரிசு வழங்கப்பட்டு வருகிறது. உலகிலேயே அதிகம் கவனம் பெறக்கூடிய பரிசுகளில் ஒன்றாக இந்த நோபல் பரிசு கருதப்பட்டு வருகிறது.
அந்த வகையில், நடப்பாண்டு மருத்துவத்திற்கான நோபல் பரிசு அமெரிக்காவை சேர்ந்த விக்டர் ஆம்ப்ரோஸ் மற்றும் கேரி ருவ்கேனிற்கு அறிவிக்கப்பட்டுள்ளது. பல்வேறு உயிரிணுக்கள் குறித்தான ஆய்வில் ஆர்வம் கொண்ட ஆம்ப்ரோஸ் மற்றும் கேரி ருவ்கேன், மரபுணுவை ஒழுங்குப்படுத்துவதில் முக்கிய பங்காற்றக் கூடிய மைக்ரோ ஆர்.என்.ஏவை கண்டுபிடித்துள்ளனர்.
ஒரு உயிரினம் உருவாவதற்கும், முறையாக செயல்படுவதற்கும் மைக்ரோ ஆர்.என்.ஏ. மிகவும் முக்கியத்துவம் வாய்ந்தது என்று நோபல் குழு அறிவித்துள்ளது.
ஆரோக்கியமான வாழ்க்கை முறைக்கு சர்க்கரை உட்கொள்ளலைக் குறைக்க 5 எளிய வழிகள்.!
நாளை பிற்பகலில், இயற்பியலுக்கான நோபல் பரிசு அறிவிக்கப்பட உள்ள நிலையில், விஞ்ஞானி ஆல்பிரட் நோபல் அவர்களின் இறந்த நாளான டிசம்பர் 10 ஆம் தேதி, 8 கோடியே 30 லட்சம் ரூபாய் நிதியுடன் நோபல் பரிசு வழங்க இருப்பது குறிப்பிடத்தக்கது.
.
