Last Updated:
Game changer | ஆனால், இந்தப் படத்தில் நடிக்க வேண்டுமானால், ஒன்றரை வருடம் எந்தப் படத்திலும் கமிட் ஆக முடியாது என ஷங்கர் சொன்ன கண்டிஷனால் பின்வாங்கியிருக்கிறார் ஷங்கர். இது தொடர்பான தகவல் வெளியாகி ரசிகர்களின் கவனத்தை ஈர்த்துள்ளது.
ஷங்கர் இயக்கத்தில் ராம் சரண் நடித்துள்ள ‘கேம் சேஞ்சர்’ திரைப்படம் வரும் ஜனவரி 10-ம் தேதி திரையரங்குகளில் வெளியாக உள்ளது. இந்தப் படத்தில் முதலில் நடிக்க இருந்தது விஜய் தானாம். இது குறித்த தகவல்கள் வெளியாகியுள்ளன.
ஷங்கர் இயக்கியுள்ள ‘கேம் சேஞ்சர்’ திரைப்படம் ஊழல் மிகு அரசியல்வாதிக்கும், நேர்மையான அரசு அதிகாரிக்கும் இடையிலான ‘மோதல்’ என கூறப்படுகிறது. அண்மையில் வெளியான படத்தின் டிரெய்லர் கூட இந்தக் கதைக்களத்தை உறுதி செய்தது. இந்தப் படத்தை ஷங்கர் இயக்கியிருந்தாலும், கதை என்னமோ கார்த்திக் சுப்புராஜுடையது. கொரோனா காலத்தில் இந்தப் படத்தின் கதையை இயக்குநர் கார்த்திக் சுப்புராஜ், ஷங்கரிடம் சொல்ல அவருக்கு இது பிடித்துப்போக, தானே இயக்குநராக களமிறங்கியிருக்கிறார்.
முழு ஸ்கிரிப்டையும், தயார் செய்த ஷங்கர், இந்தப் படத்தில் நடிக்க முதலில் அணுகியது நடிகர் விஜயைத் தான் என தகவல் வெளியாகியுள்ளது. இந்தக் கதை விஜய்க்கும் பிடித்து போனதாம்.
ஆனால், இந்தப் படத்தில் நடிக்க வேண்டுமானால், ஒன்றரை வருடம் எந்தப் படத்திலும் கமிட் ஆக முடியாது என ஷங்கர் சொன்ன கண்டிஷனால் பின்வாங்கியிருக்கிறார் விஜய். இது தொடர்பான தகவல் வெளியாகி ரசிகர்களின் கவனத்தை ஈர்த்துள்ளது.
January 04, 2025 7:13 PM IST
