Last Updated:
Factory Made House: கோவையில் வெறும் 3 மணி நேரத்திற்குள் கட்டி முடிக்கப்பட்டுள்ள வீடு காண்போரை ஆச்சரியத்தில் ஆழ்த்தியுள்ளது.
கோவையில் மூன்று மணி நேரத்திற்குள் ஒரு வீடு கட்டி முடிக்கப்பட்டு, உலக சாதனைப் புத்தகத்திலும் இடம் பிடித்துள்ளது.
ஜியோமெட்ரிக்ஸ் ஸ்பேஸ் ஸ்ட்ரக்சர்ஸ் நிறுவனம் சார்பாக நடைபெற்ற இந்நிகழ்வு யூனியன் என்ற உலக சாதனைப் புத்தகத்தில் இடம் பிடித்துள்ளது. கோவையில் ப்ரீகாஸ்ட் முறையில் குறைந்த நேரத்திலும், குறைந்த விலையிலும் ஒரு முழு வீடு கிடைக்கும் என்பது அனைவரின் கவனத்தையும் ஈர்த்துள்ளது.
சர்வதேசச் சந்தைகளில் அனைத்துத் துறையினரும் சாதிக்கும் வகையில் கோவை கொடிசியாவில் நவீன தொழில்நுட்பங்கள் குறித்த குளோபல் கண்காட்சி நடைபெற்றது. பல்வேறு நவீன தொழில்நுட்பங்கள் காட்சிப்படுத்தி இருந்த நிலையில், கோவையைச் சேர்ந்த ஜியோமெட்ரிக்ஸ் ஸ்பேஸ் ஸ்ட்ரக்சர்ஸ் நிறுவனத்தின் ப்ரீகாஸ்ட் தொழில்நுட்பத்தில் காட்சிப்படுத்தி இருந்த வீடு பார்வையாளர்களை ஈர்த்துள்ளது.
இதையும் படிங்க: Communism Village: போராட்டமும் புரட்சியும் தான் வாழ்வே… கட்சி வெவ்வேறா இருந்தாலும் தத்துவம் கம்யூனிசம் தான்…
இந்த வீட்டை அமைப்பதற்கு 2 மணி நேரம் 46 நிமிடங்கள் மட்டுமே எடுத்ததாக நிறுவனத்தின் இயக்குநர்கள் கூறினார்கள். குறைந்த நேரத்தில் 800 சதுர அடியில் அனைத்து வசதிகளையும் உள்ளடக்கி ப்ரீ காஸ்ட் முறையில் கட்டப்பட்ட இந்த நிகழ்வு வேர்ல்டு ரெக்கார்ட்ஸ் யூனியன் உலக சாதனைப் புத்தகத்தில் இடம் பிடித்தது.
உங்கள் ஊர் செய்திகளை வீடியோவாக பெற கிளிக் செய்க
Coimbatore,Tamil Nadu
January 29, 2025 5:14 PM IST
