Flight Accident | அமெரிக்க விமான விபத்தில் 64 பேரும் உயிரிழப்பு?

அமெரிக்காவின் கன்சாஸ் மாகாணத்தில் இருந்து வாஷிங்டனில் உள்ள ரீகன் தேசிய விமான நிலையத்திற்கு 60 பயணிகள் மற்றும் 4 ஊழியர்களுடன் விமானம் புறப்பட்டுச் சென்றது. அமெரிக்க நேரப்படி இரவு 9 மணி அளவில், ரீகன் விமான நிலையத்தின் 33 ஆவது ஓடுபாதையில் இறங்குவதற்கு திட்டமிட்ட விமானம், 3 பேருடன் வானில் பறந்து கொண்டு இருந்த அமெரிக்க ராணுவ ஹெலிகாப்டருடன் எதிர்பாராதவிதமாக நேருக்கு நேர் மோதியது. இதில், 64 பயணிகளுடன் இருந்த விமானமும், ஹெலிகாப்டரும் வெடித்து போடோமேக் நதியில் விழுந்தன.

தகவல் அறிந்து விரைந்த வாஷிங்டன் தீயணைப்பு மற்றும் மீட்புப் படை அதிகாரிகள், விமானத்தில் இருந்தவர்களை மீட்கும் முயற்சியில் இறங்கினர். ஆனால், இதுவரை 19 பேரின் உடல்கள் மட்டுமே கண்டெடுக்கப்பட்டுள்ளன. விமான விபத்தில் உயிர் தப்பியவர்களுக்கான வாய்ப்பு குறைவு என அஞ்சப்படுகிறது. விபத்து குறித்த விவரங்களைக் கேட்டறிந்த அமெரிக்க அதிபர் டிரம்ப், மீட்புப் பணிகளைத் துரிதப்படுத்த உத்தரவிட்டுள்ளதாக வெள்ளை மாளிகை தெரிவித்துள்ளது.

Also Read | அரசு வேலையை ராஜினாமா செய்தால் 8 மாத சம்பளம்.. பறந்த இ-மெயில்: அச்சத்தில் 20 லட்சம் ஊழியர்களின் வாழ்க்கை!

64 பேரும் உயிரிழப்பு?

இந்நிலையில் அமெரிக்காவில் ஹெலிகாப்டர் மீது விமானம் மோதிய விபத்தில் யாரும் பிழைத்திருக்க வாய்ப்பில்லை என்று மீட்புப் படையினர் தெரிவித்துள்ளனர். விமானத்தில் பயணித்த 64 பேரும் உயிரிழந்திருக்கக் கூடும் என்றும் அவர்கள் அச்சம் தெரிவித்துள்ளனர்.