Game Changer | ஷங்கர் – ராம்சரணின் ‘கேம் சேஞ்சர்’ முதல் நாள் வசூல் என்ன?

‘இந்தியன் 2’ தோல்விக்குப் பிறகு ஷங்கரும், ‘ஆச்சார்யா’ பட தோல்விக்குப் பிறகு ராம் சரணும் இணைந்துள்ள திரைப்படம் ‘கேம் சேஞ்சர்’. கியாரா அத்வானி, எஸ்.ஜே.சூர்யா, சமுத்திரக்கனி, அஞ்சலி, ஜெயராம் உள்ளிட்ட பலர் நடித்துள்ள இந்தப் படத்துக்கு தமன் இசையமைத்துள்ளார்.

படத்தை தில் ராஜு தயாரித்துள்ளார். கார்த்திக் சுப்புராஜ் கதையை ஷங்கர் படமாக்கியுள்ளார். இந்நிலையில் இந்தப் படம் பொங்கல் பண்டிகையை முன்னிட்டு நேற்று (ஜன.10) திரையரங்குகளில் வெளியானது.

இதையும் வாசிக்க: Jayam Ravi | “தோல்வியான காலகட்டம் தான்…” – ஜெயம் ரவி எமோஷனல் பேச்சு!

ரசிகர்களிடையே கலவையான விமர்சனங்களைப் பெற்று வருகிறது. ரூ.400 கோடிக்கும் அதிகமான பட்ஜெட்டில் உருவான இந்தப் படம் முதல் நாளில் தெலுங்கில் மட்டும் ரூ.42 கோடியை வசூலித்துள்ளதாகவும், இந்தியில் ரூ.7 கோடியை வசூலித்துள்ளதாகவும் மொத்தமாக இந்தியாவில் மட்டும் ரூ.51 கோடியை வசூலித்துள்ளதாக தகவல் வெளியாகியுள்ளது.

உலகம் முழுவதும் படம் ரூ.70 கோடி வசூலை நெருங்கியுள்ளதாகக் கூறப்படுகிறது. அடுத்தடுத்து விடுமுறை நாட்களாக இருப்பதால் படத்தின் வசூல் கூடும் என திரையர்த்தகர்கள் கணித்துள்ளனர்.