Last Updated:
Goat Market Sales: பொங்கல் பண்டிகையை முன்னிட்டு நடைபெற்ற இந்த ஆட்டுச் சந்தையில் சுற்றுவட்டாரப் பகுதிகளில் இருந்து வந்த வியாபாரிகள் ஆடுகளை வாங்கிச் சென்றனர்.
நாமக்கல்லில் வாரந்தோறும் சனிக்கிழமை ஆட்டு சந்தை நடைபெறுவது வழக்கம். இச்சந்தைக்கு நாமக்கல், புதன் சந்தை, சேந்தமங்கலம், இராசிபுரம், எருமப்பட்டி, வளையப்பட்டி, மோகனூர் உள்ளிட்ட சுற்று வட்டார பகுதிகளைச் சேர்ந்த பொதுமக்களும், விவசாயிகளும் தாங்கள் வளர்க்கும் ஆடுகளை விற்பனைக்குக் கொண்டு வருவர்.
இங்கே விற்பனைக்காகக் கொண்டு வரும் ஆடுகள், செம்மறி ஆடுகள் தரமாகவும் ஆரோக்கியத்துடனும் காணப்படுவதால் தமிழகத்தின் பல்வேறு மாவட்டங்களிலிருந்தும், கேரளா, கர்நாடகா, ஆந்திரா உள்ளிட்ட மாநிலங்களிலிருந்தும் வரும் வியாபாரிகள் இங்கு ஆடுகளை வாங்கி செல்கின்றனர்.
இந்நிலையில் சனிக்கிழமை நடைபெற்ற நாமக்கல்லில் ஆட்டுச் சந்தை நடைபெற்றது. அதில் நாமக்கல் சேலம், தர்மபுரி, கிருஷ்ணகிரி மாவட்டத்திலிருந்தும் வெள்ளாடு, செம்மறி ஆடு, குரும்பை ஆடுகள் என மொத்தம் 10 ஆயிரம் ஆடுகள் விற்பனைக்கு வந்திருந்தது.
இதையும் படிங்க: Goat Sales| அடேங்கப்பா… ரூ.7 கோடிக்கு ஆடுகள் விற்பனை பொங்கலை முன்னிட்டு களைகட்டிய எட்டயபுரம் ஆட்டுச்சந்தை
வரும் 14ஆம் தேதி முதல் பொங்கல் பண்டிகை துவங்க உள்ளதால் இன்று நடைபெற்ற சந்தையில் இறைச்சிக்காக அதிகளவு ஆடுகள் விற்பனையானது. இதில் ஆடுகளின் எடைக்கு ஏற்றவாறு, ஆடு ஒன்று குறைந்தபட்சம் 5 ஆயிரம் ரூபாயிலிருந்து அதிகப்பட்சமாக 25 ஆயிரம் ரூபாய் வரை விலை போனது. ஆட்டுக் குட்டியானது 1500 ரூபாய் முதல் 2000 ரூபாய் வரை விலை போனது.
இந்த ஆட்டுச் சந்தையில் 1.50 கோடி ரூபாய் வரை ஆடுகள் விற்பனையானதாக வியாபாரிகள் தெரிவித்தனர். கடந்த ஆண்டு பொங்கல் பண்டிகையின் போது நாமக்கல் ஆட்டுச் சந்தையில் 2 கோடி ரூபாய் வரை விற்பனையானது குறிப்பிடத்தக்கது.
உங்கள் ஊர் செய்திகளை வீடியோவாக பெற கிளிக் செய்க
Namakkal,Tamil Nadu
January 12, 2025 9:11 AM IST
Goat Market Sales: பொங்கல் பண்டிகையை முன்னிட்டு களைகட்டும் ஆட்டுச் சந்தை… ரூ.1.50 கோடிக்கு ஆடு விற்பனை…
