L2: Empuraan | மலையாளத்தின் அடுத்த பிரமாண்டம் – மோகன்லாலின் ‘எம்புரான்’ டீசர் எப்படி? 

கடந்த 2019 ஆம் ஆண்டு நடிகர் பிருத்வி ராஜ் இயக்கத்தில் மோகன்லால் நடிப்பில் உருவான லூசிஃபர் ரசிகர்கள் மத்தியில் நல்ல வரவேற்பை பெற்றது. இந்நிலையில், எம்புரான் என்ற பெயரில் அதன் இரண்டாம் பாகம் உருவாகியுள்ளது.

இப்படத்தை இயக்குவது மட்டுமின்றி மோகன்லாலுடன் பிருத்வி ராஜும் முக்கிய கதாபாத்திரத்தில் நடித்துள்ளார். இந்நிலையில், இப்படத்தின் டீசரை படக்குழுவினர் வெளியிட்டுள்ளனர்.

‘இது நல்லவனுக்கும் கெட்டவனுக்கும் நடக்கும் சண்டையல்ல. கெட்டவனுக்கும் கெட்டவனுக்கும் நடக்கும் சண்டை’ என்ற வசனத்துடன் தொடங்குகிறது டீசர். மோகன்லால் எப்படி ‘டான்’ ஆக எப்படி உருவாகிறார் என்பது தான் இந்தப் பாகத்தின் கதையாக இருக்கும் என தெரிகிறது.

‘லூசிஃபர்’ படத்தின் முந்தைய கதையாக இதை பார்க்க முடியும். மாஸ் ஆக்ஷனுடன் மலையாளத்தின் பிரமாண்ட படமாக உருவாகியுள்ள இந்தப் படத்தின் டீசர் ரசிகர்களின் கவனத்தை ஈர்த்துள்ளது.

முரளி கோபி கதை எழுதியுள்ள இப்படத்தில், டோவினோ தாமஸ், ஜதின் ராம்தாஸ் முக்கிய கதாபாத்திரத்தில் நடித்துள்ளனர். மார்ச் 27 ஆம் தேதி தமிழ் உட்பட 5 மொழிகளில் இப்படம் வெளியாகிறது.