Last Updated:
விஷால் நடித்த ‘மதகஜராஜா’ 15 நாட்களில் ரூ.50 கோடி வசூலித்து சாதனை படைத்துள்ளது. சுந்தர்.சி இயக்கத்தில், விஜய் ஆண்டனி இசையமைத்த, 12 ஆண்டுகள் பிறகு வெளியானது குறிப்பிடத்தக்கது.
விஷால் நடித்துள்ள ‘மதகஜராஜா’ திரைப்படம் வெளியாகி 15 நாட்கள் கடந்த நிலையில், இந்தப் படம் உலக அளவில் ரூ.50 கோடி வசூலை ஈட்டியுள்ளதாக தகவல் வெளியாகியுள்ளது.
சுந்தர்.சி இயக்கத்தில் விஷால் நடித்துள்ள ‘மதகஜராஜா’ திரைப்படம் கடந்த 2013-ம் ஆண்டே திரையரங்குகளில் வெளியாக திட்டமிடப்பட்டது. ஆனால், பல்வேறு காரணங்களால் படம் வெளியாகவில்லை.
இதையடுத்து 12 ஆண்டுகள் கழித்து பொங்கல் வெளியீடாக கடந்த ஜனவரி 12-ம் தேதி திரையரங்குகளில் வெளியானது. விஜய் ஆண்டனி இசையமைத்துள்ள இந்தப் படத்தில் சந்தானம், அஞ்சலி, வரலட்சுமி சரத்குமார், நிதின் சத்யா, சோனு சூட் உள்ளிட்ட பலர் நடித்துள்ளனர். படம் வெளியாகி ரசிகர்களிடையே வரவேற்பை பெற்றது.
இதையும் வாசிக்க: Vijay | ‘நான் ஆணையிட்டால்….’ – எம்ஜிஆர் பாணியில் விஜயின் ஜன நாயகன்?
இதனால் ரூ.15 கோடி பட்ஜெட்டில் உருவானதாக கூறப்படும் இந்தப் படம் பாக்ஸ் ஆஃபீஸில் மொத்தம் ரூ.50 கோடி வசூலை ஈட்டியுள்ளதாக தகவல் வெளியாகியுள்ளது. இந்த வெற்றியின் எதிரொலியாக வரும் ஜன.31-ம் தேதி இந்தப் படத்தை தெலுங்கிலும் வெளியிட படக்குழு திட்டமிட்டுள்ளது.
இதன் டிரெய்லரை தெலுங்கு நடிகர் வெங்கடேஷ் வெளியிடுகிறார். தெலுங்கிலும் வெற்றி பெறும் என படக்குழு நம்புகிறது. அதேபோல வரும் 31-ம் தேதி வெளிநாடுகளிலும் படம் வெளியாகும் என கூறப்படுகிறது.
January 27, 2025 9:37 AM IST
