OTT Spot | 23 நிமிட கூடுதல் காட்சிகளுடன் ஓடிடியில் வெளியானது ‘புஷ்பா 2’

சுகுமார் இயக்கத்தில் அல்லு அர்ஜுன் நடிப்பில் கடந்த 2021-ம் ஆண்டு வெளியான திரைப்படம் ‘புஷ்பா’. ராஷ்மிகா மந்தனா, ஃபஹத் பாசில் உள்ளிட்ட பலர் நடித்துள்ள இந்தப் படத்துக்கு தேவி ஸ்ரீ பிரசாத் இசையமைத்திருந்தார்.

இந்தப் படம் ரசிகர்களிடையே நல்ல வரவேற்பை பெற்றதையடுத்து, இதன் இரண்டாம் பாகம் உருவானது. இதில் பின்னணி இசையை சாம் சி.எஸ். அமைத்திருந்தார். மைத்ரி மூவி மேக்கர்ஸ் நிறுவனம் படத்தை தயாரித்தது.

இதையும் வாசிக்க: Prakash Raj | கும்பமேளாவில் புனித நீராடினேனா.. நடிகர் பிரகாஷ் ராஜ் காட்டமான பதில்!

கடந்த டிசம்பர் 5-ம் தேதி ‘புஷ்பா 2’ திரைப்படம் வெளியானது. ரசிகர்களிடையே வரவேற்பை பெற்ற இந்தப் படம் உலகம் முழுவதும் ரூ.1800 கோடி வசூலித்து பாக்ஸ் ஆஃபீஸில் புதிய சாதனையை படைத்தது.

குறிப்பாக இந்தியில் படத்துக்கு நல்ல வரவேற்பு கிடைத்தது. இந்நிலையில் இந்தப் படம் இன்று (ஜன.30) முதல் நெட்ஃபிளிக்ஸ் ஓடிடியில் காணக்கிடைக்கிறது. கூடுதலாக 23 நிமிட காட்சிகள் சேர்க்கப்பட்டுள்ளது. படத்தை தெலுங்கு, தமிழ், மலையாளம், கன்னடம், இந்தி மொழிகளில் காண முடியும்.