Last Updated:
விஜய் ஆண்டனியின் 25-வது படம் ‘சக்தித் திருமகன்’ என அறிவிக்கப்பட்டுள்ளது. அருண் பிரபு இயக்கத்தில் உருவாகும் இப்படத்தின் போஸ்டர் ரசிகர்களின் கவனத்தை ஈர்த்துள்ளது.
விஜய் ஆண்டனியின் 25-வது படத்தின் டைட்டில் வெளியாகியுள்ளது. இதன் போஸ்டர் ரசிகர்களின் கவனத்தை ஈர்த்துள்ளது.
விஜய் ஆண்டனி நடிப்பில் கடைசியாக வெளியான ‘ரோமியோ’, ‘மழை பிடிக்காத மனிதன்’, ‘ஹிட்லர்’ படங்கள் எதிர்பார்த்த வெற்றியைப் பெறவில்லை. இதனால், வெற்றிப் படத்தைக் கொடுக்கும் கட்டாயத்தில் விஜய் ஆண்டனி இருக்கிறார்.
அடுத்து விஜய் ஆண்டனி நடிப்பில் ‘ககன மார்கன்’, ‘அக்னி சிறகுகள்’ படங்கள் வெளியாக உள்ளன. இந்த நிலையில் விஜய் ஆண்டனியின் 25ஆவது படம் அறிவிக்கப்பட்டுள்ளது. இந்தப் படத்தை விஜய் ஆண்டனி தயாரிக்கிறார். அருண் பிரபு எழுதி இயக்குகிறார்.
இந்தப் படத்துக்கு ‘சக்தித் திருமகன்’ என தலைப்பிடப்பட்டுள்ளது. இது தொடர்பான போஸ்டரில் சூரியனும் அதையொட்டி சிவப்பு நிறமும் உள்ளடக்கிய பேக்ரவுண்டில் கையில் துப்பாக்கியுடன் ஷில் அவுட்டில் அமர்ந்திருக்கிறார் விஜய் ஆண்டனி.
“புயலடிக்கிற வேகத்தில் புழுதி குப்பைங்க இருக்குமா.. இவன் நடக்குற வேகத்த சகுனி கூட்டம் தாங்குமா” என்ற வாசகத்துடன் போஸ்டரை தனது எக்ஸ் தள பக்கத்தில் பகிர்ந்துள்ளார் விஜய் ஆண்டனி. படம் கோடை விடுமுறைக்கு திரையரங்குகளில் வெளியாகும் என அறிவிக்கப்பட்டுள்ளது.
January 29, 2025 12:00 PM IST
