06
ராயன்: தனுஷின் 50-வது படமான இதனை அவரே இயக்கி நடித்தார். சன் பிக்சர்ஸ் நிறுவனம் தயாரித்த இந்தப் படத்தில் எஸ்.ஜே.சூர்யா, சந்தீப் கிஷன், காளிதாஸ் ஜெயராம், செல்வராகவன், பிரகாஷ் ராஜ், அபர்ணா பாலமுரளி, துஷாரா விஜயன் உள்ளிட்ட பலர் நடித்தனர். ஏ.ஆர்.ரஹ்மான் இசையில் பாடல்கள் ரசிகர்களின் கவனத்தை ஈர்த்தன. அதீத ஆக்ஷனுடன், பழிவாங்கும் கதையை அடிப்படையாக கொண்டு உருவான இப்படம் கலவையான விமர்சனங்களைப் பெற்றது. ரூ.100 கோடி பட்ஜெட்டில் உருவானதாக கூறப்படும் இப்படம் உலக அளவில் ரூ.155 கோடிக்கும் அதிகமான வசூலை ஈட்டியதாக தகவல்கள் தெரிவிக்கின்றன. ஏ.ஆர்.ரஹ்மானின் இசையில் ‘அடங்காத அசுரன்’ பாடலில் இடம்பெற்ற ‘உசுரே நீ தானே’ பாடல் வரிகள் சமூக வலைதளங்களில் ட்ரெண்டாகி ஹிட் அடித்தன. மேலும் அந்த பாடல் காட்சி படமாக்கப்பட்ட விதமும் ரசிகர்களின் கவனத்தை ஈர்த்தது குறிப்பிடத்தக்கது.
